Template Skin -->

أخر الاخبار

اليوتيوبر " مو حازم " و قصة نجاح تخطت ال ٤ مليون مشاهدة

أجري الحوار : عمر آدم .

عرفنا أكتر مين " محمد حازم " ؟

ولد محمد حازم عام 2/9/2002 مواليد محافظة القليوبية بدأ حياته في السوشيال ميديا من 2014 وبعد عامين فقد قدم من قدميه عام 20/5/2016 ومع التغييرات التي حدث له كان كاد يشعر باليأس و كان وحيداً و كانت بداية ظهور الفيديوهات القصير فا بدأ رحلته في الفيديوهات القصيرة و استمر مع الأمل لحد ما أصبح يوتيوبر شهير يملك مليون مشترك كان يمتلك علي منصات السوشيال ميديا أكثر من ٤ مليون متابع . 

هل شايف إنه الحادث دا يعتبر نقطة تحول و صنع شخصية محمد حازم اللي عليها دلوقتي ؟

أكيد كان ليه تاثير كبير بس كل دا يرجع لإرادة ربنا و حكمته و أنا صبرت و إتحديت و بحب نفسي و نجحت و كل دا بفضل ربنا و ربنا ديماً بيحبب الناس فيا بالقبول .

هل وجدت صعوبة في ممارسة حياتك الطبيعية بعد الحادث ، واي دور أهلك وأصدقاء في رحلتك ؟

في البداية كنت فقدت الكثير من الدم و غير فترة علاج تأهيل كبيره عشان أخرج من المستشفي مكنش سهل إن أرجع للحياه وجهت صعوبات في المشي و كنت بمشي بعكاز واحد و كنت بتعب بس مع الإرادة و العزيمة قدرت أمسك عكازين و أمشي بيهم و لمسافات طويلة و قدرت إن أمشي من عكاز لوقت واقف من غير عكاز كمان لفترة طويله و نيجي لدور أهلي كانو ديما جنبي و بيدعموني و كانو ديما يقولولي أنت ربنا بيحبك أنت أحسن من أي حد و بالنسبة لأصدقاء إن يكون ليهم دور في رحلتي لكن لا يوجد أصدقاء .

قدرت ازاي تتغلب علي نظرة المجتمع و تدخل في مجال صناعة المحتوي ؟

نظرات المجتع كاد تكون محرجة بس كان لازم أعمل محتوي مختلف حاجة جديدة محدش شافها قبل كدا فأول ما دخلت السوشيال ميديا عملت فيديوهات محدش من ذوي الإحتياجات الخاصة معندوش إرادة يعرف يعملها بدأت أقدم محتوي رياضي و كمان قدمت محتوي يدل علي الإرادة و العزيمة و الصبر و عدم الخوف من أي شيء .

ازاي بدأت في مسيرتك كصانع محتوي على السوشيال ميديا و نجحت إزاي في جذب المتابعين ليك ؟

بدايتي كانت زمان لما كنت بعمل محتوي رياضي و لما عملت لبسج بدأت شهرتي و مبعتبرش بدايتي في الشهرة في السوشيال ميديا عندما كنت بقدم لبسنج إن أنا كدا كنت صانع محتوي بدايتي كصانع محتوي في السوشيال ميديا عندما طلعت موهبتي في التمثيل و بدأت أقدم محتوي يفيد الناس و المجتمع و بدأت أجذب المتابعين و حبهم ليا يزيد .

إتعملت إيه من مشاركتك في كره القدم لذوي الهمم ؟

اتعلمت إن مفيش حاجه إسمها مستحيل في صعب لكن مش مستحيل ، إتعملت إنك تقدر تحقق الصعب الي في ناس كتير أطلقت عليه مستحيل بالإرادة و العزيمه و الإصرار و التحدي و أنا إتحديت العالم و حققت الصعب و نجحت .

شعورك إيه دلوقتي بعد النجاح الكبير الذي حققته في الآونة الأخيرة و وصولك لمليون متابع علي التيك توك و اليوتيوب ؟

شعور مقدرش أوصفه بس فرحتك لما بتشوف ناس بتحبك و تتصور معاك و أطفال كتير متابعاك و بيفرحو لفرحك و بيزعلو لزعلك دي حاجة كبيرة جداً متتوصفش و دا بيكون حافز ليا إن أستمر و أشتغل أكتر علي نفسي و أقدم أحلي حاجى عندي و أنجح أكتر لأن نظرات الأطفال ليك الي كلها حب بتخليك أسعد الناس .

ليه مركبتش طرف صناعي لحد دلوقتي ؟

ركبت طرف صناعي بعد الحادثة بس كان عندي مشكلة في البتر بسبب دخولي للعمليات في وقت متأخر بعد خمس ساعات من الحادثة فكان لازم يتم البتر في أسرع وقت بسبب نزيف كتير في الدم و الحمد لله علي كل حال فا بعد الحادث بأربع شهور ركبت أول طرف و بعد ما ركبت أول طرف صناعي بعدها بشهر كنت رايح للإمتحان و موتسيكل خبطني و إتكسرت و الحمد لله بعد الشفاء من الكسر ركبت الطرف الصناعي لمدة سنتين و إتكسر فا مبقتش عارف أستخدمه و معملتش طرف صناعي تاني .

تقول إيه لكل اللي مروا بنفس تجربتك بفقدان أحد أجزاء جسمه ؟

أحب اقولهم متخافوش من نظرات المجتمع إنتو أحسن من أي حد و دا حب من ربنا ليكم و إختبار لصبركم مفيش حاجة صعبه و لا مستحيلة خلي عندك إرادة و عزيمة و تحدي ؛ إتحدي الناس إتحدي المجتمع أثبت نفسك و أظهر و متخفش ربنا معانا .



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -